ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

វត្ថុបុរាណចំនួន៤នឹងត្រូវអាមេរិកប្រគល់ជូនកម្ពុជាវិញ

  • ចុះផ្សាយថ្ងៃទី១១ ខែវិច្ឆិកា ឆ្នាំ២០២១ ម៉ោង ១៩:៣៥ នាទី ដោយ Hun Sirivadh
  • 1763
  Aa |   aA

ភ្នំពេញ៖ ក្រសួងវប្បធម៌ និងវិចិត្រសិល្បៈ បានបញ្ជាក់ថាចម្លាក់ព្រះនាងប្រាជ្ញាបារមិតា ធ្វើពីថ្មភក់សម័យអង្គរតាមរចនាបថបាយ័ន្តចុងសតវត្សរ៍ទី១២-ដើមទី១៣ ចម្លាក់ព្រះសូរ្យ ធ្វើពីថ្មភក់ក្នុងសម័យមុនអង្គរសតវត្សរ៍ទី៧-៨ ជួងសំរឹទ្ធសម័យបុរេប្រវត្តិ និងផ្លែរព្រះនារាយណ៍ផ្ទំ ធ្វើពីថ្មភក់ក្នុងសម័យមុនអង្គរសតវត្សរ៍ទី៧-៨ នឹងត្រូវបានសហរដ្ឋអាមេរិកបញ្ជូនមកកម្ពុជាវិញបន្ទាប់ពីតុលាការប្រទេសនេះរឹបអូសពីសារមន្ទីរ Danver។

ក្នុងសេចក្ដីប្រកាសព័ត៌មានចុះថ្ងៃទី១១ ខែវិច្ឆិកា ឆ្នាំ២០២១នេះ ក្រសួងវប្បធម៌បានដកស្រង់ប្រសាសន៍របស់រដ្ឋមន្ត្រីក្រសួងវប្បធម៌លោកស្រី ភឿង សកុណា ថា៖ «យើងទាំងអស់គ្នាមានសេចក្តីរំភើបរីករាយ ក្នុងការបន្តស្វាគមន៍រតនៈសម្បត្តិ ដ៏មានតម្លៃទាំងនេះត្រឡប់មកកម្ពុជាវិញ ហើយមានមោទនភាពចំពោះកិច្ចសហការរបស់យើង ជាមួយរដ្ឋាភិបាលសហរដ្ឋអាមេរិក។ លទ្ធផលដែលទទួលបានជាបន្តបន្ទាប់នេះ ក៏ដោយសារកម្ពុជាយើងមានសុខសន្តិភាពពេញលេញ តាមរយៈនយោបាយ ឈ្នះឈ្នះរបស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ដោយផ្តល់ឱកាសដល់ការវិលត្រឡប់មកវិញ នៃព្រលឹងបុព្វបុរសខ្មែរ ដែលបានរសាត់ចាកឆ្ងាយពីមាតុភូមិកំណើត់អស់ជាច្រើនឆ្នាំមកហើយ នាសម័យសង្គ្រាម» ។

លោកស្រី ភឿង សកុណា ក៏អំពាវនាវដល់សារមន្ទីរ និងអ្នកប្រមូលវត្ថុបុរាណឯកជននានាដែលកាន់កាប់រក្សាទុកសម្បត្តិវប្បធម៌ខ្មែរ សូមទាក់ទងមកក្រសួង ដើម្បីចែករំលែកឯកសារពាក់ព័ន្ធ និងប្រគល់សម្បត្តិវប្បធម៌ទាំងនោះ ដោយស្ម័គ្រចិត្តមកកម្ពុជាវិញ។

បើតាមលោកស្រី ភឿង សកុណា ការប្រគល់វត្ថុបុរាណទាំង៤មកកម្ពុជាវិញនាពេលនេះបញ្ជាក់អំពីតម្លៃនៃកិច្ចសហប្រតិបត្តិការ និងការខិតខំប្រឹងប្រែងរួមគ្នានៃប្រទេសកម្ពុជា និងសហរដ្ឋអាមេរិក ក្នុងការការពារសម្បត្តិបេតិកភណ្ឌវប្បធម៌ និងអត្តសញ្ញាណជាតិ ដើម្បីជាឧត្តមប្រយោជន៍សម្រាប់ប្រជាជនកម្ពុជា និងមនុស្សជាតិទូទៅផងដែរ៕


ព័ត៌មានជាច្រើនទៀតសម្រាប់អ្នក